Diwrnod Y Trwynau Coch Red Nose Day - English version

Yn ystod yr wythnos a aeth heibio bu llawer iawn o bobl a phlant yn mwynhau eu hunain yn cynnal gweithgareddau i godi arian at achosion da yn sgil Gweithgareddau Y Trwynau Cochion.

Ar ei ben ei hun bach, penderfynodd Tomos y byddai yn cau ei hun mewn bocs mawr cardfwrdd am 5 awr. Gosododd ei hun a’r bocs yn siop Swyddfa’r Post Talsarnau gan obeithio y byddai’r cwsmeriaid yn cyfrannu tuag at ei ymdrech. A chwarae teg iddo roedd yn gwneud hyn yn ystod dydd Sadwrn 17eg o Fawrth.

Yn y llun mae Tomos a’i drwyn coch yn sefyll yn ei focs a Bili Jones yn gwneud cyfraniad wrth fynd heibio ar ôl galw am ei bapur newydd. A siec am faint oedd hynna Bili?

Chwarae teg i Tomos am roi o’i amser. Yn y cyfnod hwn ble mae cymaint o feirniadu ar blant a phobl ifanc, da yw gweld bod rhai yn derbyn cyfrifoldeb yn ifanc iawn ac yn chwarae rhan bwysig o fewn ein cymdeithas. Go dda ti Tomos a dal ati.

Tomos yn ei focs - 3 awr i fynd! Cwsmer Billy Jones yn gwneud cyfraniad.