Michael O'Marah
Yr Wyddrug, (gynt o Benrhyndeudraeth)

Tyrd gyda mi hen gyfaill i ben y clogwyn mawr
Rhyw fore yn y Gwanwyn, yn fuan gyda’r wawr.
Fe gerddwn unwaith eto ymysg y gwellt a’r brwyn
Y rhedyn ac yr eithin, a’r onnen yn y llwyn.

Ar ol ‘ni gyrraedd yno, wrth gerdded am rhyw awr
Mor braf fydd tynnu’n cotiau, dal gwynt ac eistedd ‘lawr.
Cawn weled Ynys Gifftan, a Harlech ‘mhellach draw
A bryniau gwyrddion Llanfair yn cuddio Abermaw

Ty ol i ni yn galw fydd llethroedd Moelwyn Mawr,
Y Moelwyn Bach, y Cnicht a’r hyfryd Wyddfa Fawr.
O’n blaen fydd Afon Glaslyn, a Dwyryd dlos, ei chwaer
Yn gwneud eu ffyrdd yn dawel i ddyfroedd glas y bae.

Rwy’n siwr mi fydd di’n dawel, mewn meddwl tyfn fel fi
Yn ceisio deall pethau sydd yn penblethu mi.
Pa le mae’r lleisiau hapus, ‘roedd unwaith ar y gwynt
A’r traed oedd ar y llwybrau mewn dyddiau wedi mynd?